Les mots surlignés font l'objet d'une note
1Monsieur, jay receu voz deux letres / [/ lune] du IIIe escripte de votre
2meyn, et du VI. Quant au faict de madame la grand,
3je me tiens asseuré que messieurs de la cour auront
4egard à votre recommandation comme ilz doyvent. Je y tiendray
5aussi la meyn à lexpedition. Je suyvray votre conseil
6touchant la letre que je voloys escrire à monsieur de
7Veynes [d’Evènes] attandu quesperés son bref retour, de peur que
8Mon depeche ne segare ; et me reserveray à les rendre
9De bouche et plus à luy fère service comme jay mon
10Devoyr et à sa vertu et à tout ce qui vous atouche.
11Quant au faict de La Mure, tout est bien allé jusques
12icy. Il fault confesser que cest autant par la grace
13de Dieu et plus que par notre conseil, encores quon y a
14taché de conduyre ce faict le plus secretement quon
15ayt peu, sod multi multa logmuitur. Messieurs
16de La Tivolière et de Monestier vous en escrivent
17la verité, desquelz troverrés les letres dans ce
18depeche. Les estatz se tiendront, Dieu aydant, le
19dernier de ce moys ou premier de mars. Les letres
20ont esté depechées par tout. Vous en devés bien
21estre adverti par ceulx des estatz. Nous sommes
22attendantz ce qui reussira de la negociation de
23monsieur de Maugeron. Je voy chacung fort enclin
24à la paix. Vous adviserés si ce traicté prenoyt plus long
25trayct sil y auroyt moyen de prolonger la tresve
26si estimés que cela profite aux affères du roy et soulagement
27de ce païs. Jay congneu votre letre et celle du sieur de
28à monsieur de Laborel. Je prieray surce le Createur
30monsieur, vous doner en santé hereuse et longue vie. De Grenoble, ce VIIII de
31fevrier 1574. G deportes
32Après avoyr veu votre letre touchant monsieur de Gargas, je luy ay faict une response
33au nom de messieurs de la court dont je vous envoye une copie.